Gulrótar”köku” & bananabrauð

• 3 þroskaðir bananar, maukaðir

• 2 og 1/4 bollar haframjöl

• 1/3 bolli akasíuhunang

• 1/3 bolli kókosolía, brædd

• 1/3 bolli hafrajógúrt frá Vera með vanillu & kókos

• 2 stórar gulrætur, rifnar

• 1/2 tsk vanilla

• 2 tsk kanill

Forhitið ofninn í 180 gráður.

Blandið saman bönunum og haframjöli og maukið gróft með töfrasprota, hellið svo akasíuhunangi, kókosolíu, hafrajógúrt, gulrótum, vanillu og kanil og hrærið vel saman.

Hellið deiginu í brauðform, mér finnst gott að hafa bökunarpappír undir.

Bakið í 40-45 mínútur eða þar til tannstöngull sem þið stingið í brauðið kemur hreinn út.

Dásamlegt brauð eða eiginlega holl kaka sem er góð með smjöri, möndlusmjöri eða hrærðum rjómaosti með vanillu og smá sætu.