Gulrótarsalat með ristuðum kasjúhnetum

• 4-5 gulrætur, flysjaðar í strimla eða rifnar á rifjárni

• 3 msk sítrónuolía (elska Muna sítrónuolíuna)

• 1/2 msk marokkóskt fiskikrydd (kryddblanda frá Kryddhúsinu)

• Smá ferskt timían

• 1 hvítlauksrif, pressað

• 4 msk kasjúhnetur, ristaðar með salti, saxaðar gróft

• Salt & pipar eftir smekk

Hellið öllu nema gulrótunum í skál og hrærið vel saman. Setjið svo gulræturnar saman við og hrærið aftur smá þar til að allt er vel blandað saman.

Dásamlegt salat - í gulrótum eru mjög mikið af mikilvægum næringarefnum sem eru mjög góð fyrir augun, húðina, tennurnar og meltingarveginn. Í einni gulrót er t.d. mikið magn af A-vítamíni, beta-carotene, andoxunarefnum og steinefnum.