Bounty chia búðingur

Ef þú elskar kókos eins mikið og ég verður þú að prófa þennan, hann er saðsamur, með trefjum og chiafræin

Fyrir chia-búðinginn:

• 1/2 dl chia gel*

• 1/4 bolli kókosmjöl

• 200 ml grísk jógúrt

• 1–2 msk akasíuhunang eða önnur sæta

• 1 tsk vanilla

• smá salt

Fyrir súkkulaðilagið:

• 30 gr brætt dökkt súkkulaði  og 1 tsk kókosolía

Hrærið búðinginn saman og bræðið súkkulaðið og kókosolíu og hrærið saman og hellið ofaná búðingin og dreifið smá auka kókosmjöli yfir súkkulaðið- setjið í ísskáp og lofið súkkulaðinu að harðna

Unaðslegur búðingur sem er þess virði að eiga inní í ísskáp og njóta þegar manni langar í eitthvað virkilega gott

*Chia gel :

• 2 msk chia fræ

• 1 dl vatn

Settu chia fræin og vatn í krukku, lokaðu krukkunni og hristu vel

Láttu standa í 5 mínútur og hristu aftur  (til að koma í veg fyrir kekki).

Settu í kæli og leyfðu að standa í um 15 mínútur. Geymist í kæli í 4-5 daga

Grísk jógúrt:

-Próteinrík: Inniheldur mikið prótein sem hjálpar til við vöðvauppbyggingu og gefur langvarandi mettun.

-Góð fyrir meltinguna: inniheldur probiotics (góðgerla) sem styðja við heilbrigða

þarmaflóru.

-Kalsíum: Styrkir bein og tennur.

⸻

Kókosmjöl

Trefjaríkt: Hjálpar við meltingu og gefur lengri mettun.

Miðlungs fitumagn: Inniheldur að mestu mettaðar fitusýrur (MCTs) sem líkaminn getur nýtt sem fljótlega orku.

⸻

3. Chia fræ

-Omega-3 fitusýrur: Gott fyrir hjarta- og æðakerfi.

-Trefjarík: Hjálpar meltingu og viðheldur blóðsykursstigi stöðugu.

-Inniheldur járn, kalsíum og magnesíum.

-Chia fræ þenja sig í vökva, sem gefur langvarandi mettun.