Grilluð tómat & basil súpa

• 2 msk ólífuolía

• 4 tómatar

• Handfylli af kirsuberjatómötum

• 1 hvítlauksrif

• Salt og pipar

• 450 ml tómat passata

• Handfylli af basil

• 500 ml grænmetiskraftur

• 2 msk tómatpúrra

Fersku tómatarnir skornir gróft, kirsuberjatómatarnir, hvítlaukur, salt og pipar sett inn í 180 gráðu heitan ofn og bakað í 25-30 mínútur.

Þegar grænmetið er orðið gullið og tilbúið, kælið þá smá og setjið það ásamt rest í blandara og blandið þar til allt er orðið silkimjúkt.

Hellið í pott og hitið upp.

Toppið gjarnan súpuna með ferskum basil, ferskum svörtum pipar og ólífuolíu. Mér finnst líka frábært að bera súpuna fram með fersku súrdeigsbrauði og pestó.